Publisher's Synopsis
Sachin Tendulakarcricket itihaas ke sarvakaalik mahaan ballebaajon mein se ek hain.
'Sachin Tendulakar test maich kviz buk' mahaan ballebaaj Sachin Tendulakar ke Test cricket jeevan ke ballebaajee aankadon, keertimaanon, tathyon aur upalabdhiyon kee ek prashnottaree praaroop prastuti hai. Pustak mein Sachin Tendulakar ke Test maichon se jude 1000 se adhik prashn aur unake uttar hain.
vah 15 november 1989 ko 16 varsh 205 din ki aayu mein Test khelanevaale bhaarat ke sabase kam aayu ke khilaadee bane the.
England, Australia aur dakshin afreeka kee dharatee par sabase kam aayu mein Test shatak banaane ka keertimaan aaj bhee (1 April 2025 tak) Sachin Tendulakar ke naam hee darj hai. Sachin Tendulakar 25 varsh kee aayu tak test maichon mein paanch hazaar run banaanevaale pahale ballebaaz bane the.
Sachin Tendulakar ne 2005 mein 35vaan Test shatak (109) banaakar Sunil Gavaskar ke sarvaadhik Test shatak (34) ke keertimaan ko toda tha. Vah 2008 mein West Indies/ICC ke mahaan ballebaaz Brian Lara ke sarvaadhik Test run 11953 ke keertimaan ko todakar sarvaadhik Test run ke nae record dhaarak bane the.
Sachin Tendulakar ka sarvaadhik 200 maichon mein banae sarvaadhik 15921 Test run aur sarvaadhik 51 Test shatak ka keertimaan aaj bhee (1 April 2025 tak) kaayam hai.
Vah Test cricket mein 12,13, 14 aur 15 hazaar run banaanevaale sarvapratham ballebaaz the.
Sachin Tendulakar ko 2014 mein bhaarat ke sarvochch naagarik sammaan 'Bhaarat Ratn' se sammaanit kiya gaya.
