Publisher's Synopsis
Boodskap aan ons digters en nageslagUit die blou van onse hemel, uit die diepte van ons see, oor ons ewige gebergtes, waar die kranse antwoord gee... kom die mooiste klanke van ons Moedertaal, Afrikaans.
Afrikaans is die taal van die digkuns en Die Nuwe Era Groot Verseboek 2023 is weereens 'n bewys daarvan. Nege-en-sestig digters se woorde is hierin verewig. En deur die bundel sorg ons dat Afrikaans nie net voortbestaan nie, maar dat die digter op 'n unieke en skeppende wyse gestalte daaraan gee.
Tog spreek die digkuns die emosionele kant van ons menswees aan daarom is dit die taal van ons hart en los ons dit as erfenis.
Eendag sal ons nageslag besef
hul hartskamer is vol woorde-erfgoed
wat kleur aan die lewe gee
en wanneer die digter ons verlaat en die
herinnering stadigaan kwyn
bly die woorde die werklikheid
wat Afrikaans sal staande hou
