Publisher's Synopsis
Ernst Hemingwayk idaztea egiari etiketa jarri eta gure baitan aurkitutako egiarik handiena idatziz jartzea baino ez zela esan zuen. Ez da beti erraza izaten irizpen hau jarraitzea, gizadi bezala batzuetan egiari ihes eginez idatzi baitugu edo, beharbada, egiatik alde eginez. Historia idaztea, errealitatea ulertzeko edo desio batzuei egokitutako errealitatearen inguruko ideia bat sortzeko, bi lerro paralelo idatzi eta gizakia bezalako unibertso ahur eta konplexuan inoiz ez gurutzatu nahi izatea bezalakoa da. Asko saiatu dira eta ez dute lortu, nahiz eta arrastoren bat beti gelditzen den, zuzentzeak kosta egiten du.Beotibarko gudua gure herriko historiako hainbat eta hainbat egoera ilunetako bat da. Kolore askoz margotu dute eta patina hauek kendu behar ditugu iturri historikoak behatu, ikertu eta ikasi aurretik, egiari leialen eta gertuen dagoen kontakizun historikoa eraikitzeko. Liburu honen helburua sinplea da: Beotibarren duela zazpi mende gertatutakoa azalduko dugu. Idatzi duguna ez dela soilik iritzi bat, baizik eta irizpide bat, defendatuko dugu, alegia, arrazoitutako eta dokumentatutako iritzi bat.
