Publisher's Synopsis
Flavius Eutropius, qui floruit altera parte saeculi IV, erat rerum gestarum scriptor ac Magister Memoriae Flavi Claudi Iuliani imperatoris. Anno 371/372 proconsul Asiae, anno 380/381 praefectus praetorio per Illyricum et anno 387 consul fuit una cum Valentiniano II imperatore. scripsit Breviarium historiae Romanae ab Urbe condita in decem libris, imperatori Valentiniano II dedicatis. Primus liber historiam a Romulo usque ad Furium Camillum narrat; ultimus ad annum urbis conditae 1118 (hoc est ad annum 364 p.C.n.) venit. Tunc finem facit scriptor, hoc dicens: Quia autem ad inclitos principes venerandosque perventum est, interim operi modum dabimus. Nam reliqua stilo maiore dicenda sunt. Quae nunc non tam praetermittimus, quam ad maiorem scribendi diligentiam reservamus
