Publisher's Synopsis
Wanneer Irene Basson, 'n bekwame jong psigiater van Kaapstad, deur haar baas, Nicholas Barton, kleinseun van die skatryk Georgios Nikos, gevra word om 'n posisie te aanvaar by sy familie se nuwe luuksekliniek op 'n Griekse eiland, stem sy na oorweging in - wie sal so 'n glansryke lewe nou versmaai?Aanvanklik is sy en Nicholas op formele voet. Wanneer hy egter vir Irene vra om sy halfbroer Gary, wat met skisofreniese steuring gediagnoseer is, te behandel, leer sy hom en die glansryke Nikos-familie beter ken. Dan daag Irene se voormalige pasint, die oorlogskorrespondent Bob Butcher, by die kliniek op. Nt Irene mag sy behandeling vir posttraumatiese stres verder hanteer, en hy is duidelik persoonlik te geheg aan haar. Terwyl Bob struweling tussen Irene en Nic veroorsaak, leer Irene ook meer van die Nikos-clan se troebel familieverhoudinge. En mt daar tog soveel vroue om die aantreklike Nic draai? Wanneer Irene hom verdink van 'n affair met 'n bekende aktrise en pasint, struikel die nuwe verhouding tussen haar en Nic byna. Sal hierdie haakplek, en Bob se voorbarigheid, nie dalk genoeg wees om sake tussen hulle twee te laat skipbreuk ly nie? En dan's daar nog Georgios Nikos se familiedinge
